- તારા એકરારની પ્રતીક્ષા કરવાનો એ અદભૂત લાહવો માણીને મારા ૮૪ લાખ જન્મનો જાણે ઉદ્ધાર થઇ ગયો.
- બે ઘડી મારા બોલ જાણે મૂંગા થઇ ગયા,
જયારે સાંભળ્યો તારા મુખે મારા માટે તારો અવિરત પ્રેમ…
ઝૂલતો આ જીંદગીના ડગમગીયા સેતુ પર પણ
હવે તારા સાથથી ‘સ્થિર’.
શું કહું તને ?
તારો આભાર માનું કે પછી
બસ કહ્યા જ કરું કે ‘કરું છું હું પણ તને અપાર પ્રેમ’.
- જ્યારથી તારા એ મધુર સ્મિત અને એના કારણે તારા ગાલ પર પડતા સુંદર ખાડાનું કારણ બનવાનો અવસર મળ્યો છે ત્યારથી પોતે દુનિયાનો સૌથી ભાગ્યશાળી વ્યક્તિ હોવાની અનુભૂતિ કરી રહ્યો છું.
- તારી સાડીના એ રંગબેરંગી પાલવે,
એ સોનેરી પ્રકાશની હાજરીમાં,
તારા સૌન્દર્યમાં એવો સુંદર વધારો કર્યો,
કે લોકો મારા ખુશનસીબ હોવાની ઈર્ષા કરવા લાગ્યા.
– જીગર બ્રહમભટ્ટ
સુંદર લખ્યું છે …!!! અનુભવ માંથી શબ્દો સર્યા છે ક શું?
આભાર હર્ષ. અનુભવ પણ ખરા અને કલ્પનાઓનો ઉમેરો પણ ખરો.
મસ્ત લખ્યું છે … 🙂
well said.
Ramesh Patel(Aakashdeep)
Thank you sir. I’m happy that you read my post.