મુસાફીર છે તું

મુસાફીર છે તું.
જે છે એને એક પ્રવાસ તરીકે માણ,
દરેક જગા ઘર બનાવાનો તારો પ્રયત્ન જ અર્થહીન છે;
દુર પેલી ઝાંખી ટેકરીઓ પર નજર નાખ જરા,
એ ટેકરીને સ્પષ્ટ જોવા એ માર્ગે પ્રયાણ કર;
આફતો તારા માર્ગે વિધ્ન બનશે જ પરંતુ,
તારી શિરજોરી સામે એની ખુમારી તારેજ ભંગ કરવી પડશે;
ચોક્કસ, એવી ટેકરીઓ પર પણ પહોંચીશ,
જ્યાંથી બીજી ટેકરીઓ પર જવાનું મનોબળ ઘટી પડશે;
ગભરાઇશ નહિ !! બસ તારા કઠીન અનુભવોને યાદ રાખજે,
એની આંગળી પકડીનેજ બીજી ટેકરીઓ પર પહોંચવું સરળ બનશે;
થોડું થોભજે !! પરંતુ તારા પ્રાણ પર બહુ ભરોસો ના કરતો,
એને જતા કોઈ થંભાવી નથી શક્યું;
આ મુસાફરીનો દરેક દિવસ તારા માટે આખરી દિવસ જ છે,
એટલે જ દરેક સ્થળને માણી લેવાનો આગ્રહ રાખજે;
મુસાફીર છે તું;
મુસાફરી ચાલુજ રાખજે.

– જીગર બ્રહમભટ્ટ

દલેર મેહેંદી નું મારું એક પ્રિય ગીત ‘મુસાફીર’ તમે ના સાંભળ્યું હોય તો નીચેની લીંકમાંથી સાંભળવા વિનંતી. આ રચના લખવાની પ્રેરણા એમાંથી જ મળી છે.
લીંક: મુસાફીર (ફિલ્મ – લાહોર)